Norsk havteknologisenter: - Vi er i rute, det går som det skal

- Vi er i rute med konstruksjonen, det går som det skal.

Det var bodskapet frå statsråd Bjørnar Skjæran då han på onsdag tok turen til byggjeplassen til Norsk havteknologisenter som skal bli teke i bruk i 2028.

Fiskeri- og havministeren var på besøk i etterkant av å ha vore på ein konferanse i Trondheim og fortel at han er på plass for å sjå på det som er det største prosjektet han er involvert i.

50% større prislapp enn campussamlingsprosjektet

Dekan ved fakultet for Ingeiørvitskap, Olav Bolland, var også tilstade og fortalde at prisen på utstyret som skal romme byggja er omtrent lik prisen på byggja i seg sjølv. Det set prislappen på 9.3 milliard kroner.

Bolland forklara vidare at ein så stor investering er ønskeleg når ein først byggjer eit senter som halde seg relevant i mange år samt bidra til at Noreg held seg i front på havteknologi og at det er difor prislappen er omtrent 50% større enn på campussamlingsprosjektet.

På styremøtet til NTNU i dag tok Bolland fortalde Bolland om at det er mykje aktivitet på tomta og sa at marinteknisk senter er borte og det er inga veg tilbake.

Ocean Space Centre har fått nytt navn

Dekanen informerte også om at det skal bli bestemt om Fjordlab skal realiserast først i 2025 og at det gjer at ein må vente lengre på å utføre det som var ønskeleg.

Trygg på lønsemda

Statsråden fortalde at han er veldig trygg den samfunnsøkonomiske nytta til prosjektet.

- Eg høyrer stadig at det kjem til å gå dårleg med nye havnæringar som veks fram, fortel Skjæran.

Skjæran samanlikna med tidlegare havnæring.

Tomtestrid mellom Tyholt borettslag og NTNU

- Det er som olje- og gassnæringen på 70-talet. Da hadde vi dei same stemmene, Høgre sitt svar var å la utenlandske aktørar ta seg av det, FRP ville selje seg ut. Arbeidarpartiet sitt svar var tydeleg, vi skal byggje ein industri, kompetanse og arbeidsplassar. Det same skal skje her. Eg har trua på prosjektet, og ville ikkje stilt meg bak om det ikkje var for det.

- Vi har eit verdsleiande fagmiljø å bygge kompetanse på skuldrane til, og dette kjem til å bli eit episenter for havteknologi, seier Skjæran.

Klar på at naboane må stå i bråket

- De har vald å bygge midt i nabolaget her på Tyholt, og naboane har frykta eit mareritt med mange år der dei må tåle bråket frå arbeidet her?

- Ja, vi byggjer her, og ja det bråkar, men valget var teke lenge før mi tid og no er vi i gang og vi har gode demokratiske prosessar som gjer at det har vore mogleg for den som vil å ytre seg i forkant av arbeidet.

Han seier at et som er viktig no er at dei gjer arbeidet med så mykje omsyn som mogleg. At aktørane som er på plass her viser omsyn til naboane.

- I tillegg har vi mindre bråk andre plassar for dette er ein balansegang ein må få til, seier Skjæran.

Det blei det siste frå Skjæran før han fikk køyre gravemaskin medan resten av besøket venta.

- Dette er det ikkje mange statsrådar som kan, kommenterte nokon medan den tilsette som vart gitt pause av statsråden tente seg ein sigarett og filma.