Ragnhild Hennum blir ny rektor ved Universitetet i Oslo

Jussdekan Ragnhild Hennum vann rektorvalet på UiO med 53 prosent av stemmene. 

Ragnhild Hennum
Seksti prosents oppslutning då Hennum vann rektorvalet ved UiO.
Publisert

På andreplass kom medisindekan Hanne Flinstad Harbo med 31 prosent av stemmene, medan Giske Ursin, direktør for Kreftregisteret, fekk 16 prosent, skriv Uniforum

Det var jussprofessor Marit Halvorsen frå Det sentrale valstyret som kunngjorde resultatet av rektorvalet ved UiO klokka 16.15 i ettermiddag. Oppteljinga viser altså at jussdekan Ragnhild Hennum vann valet med klar margin framfor medisindekan Hanne Flinstad Harbo. Direktør for Kreftregisteret, Giske Ursin kom på tredje plass.

Valoppslutninga var på over 60 prosent blant dei tilsette på UiO.

Den nye rektoren vil ta til i vervet frå 1. august i år. Då vil ho sitja i fire år, før det blir nytt rektorval. Då kan ho bli valt for ein periode til. Den nye rektoren får med seg Bjørn Jamtveit som prorektor, medan Mathilde Skoie blir viserektor for forsking og internasjonalisering, samtidig som Berit Karseth blir viserektor for utdanning og Jens Petter Berg blir viserektor for livsvitskap og helse. 

Følg UA på Facebook og Instagram.