2o. juni opna den nye
utstillinga, Viking, på NTNU Vitenskapsmuseet. Sverd, anker og gods frå
utlandet er på utstilling. Gjenstandar, illustrasjonar og video viser
den velkjende historia om vikingar på reise.
- Det ligg enormt med arbeidstimar bak. Me har jobba med utstillinga i eit og eit
halvt år, og me er veldig nøgde med kva me har fått til, seier prosjektleiar
Ellen Grav.
Ellen Grav er prosjektleiar for Viking-utstillinga på VitenskapsmuseetFoto: Kamilla Østerberg
No har utstillinga opna dørene, men
prosjektet er stadig i utvikling.
- Dette er den fyste av tre fasar i
utstillinga. Neste år byggar vi utstillinga vidare. Andre fase vi ta føre seg heimen og
korleis naturressursar i Midt-Noreg var viktige for vikingane her, seier ho.
Eksotiske objekt med long historie
Det fyste som møter dei besøkande er eit lite skrin. Det har ikkje typiske viking-mønster og -emblem, det er nemleg gods frå Irland.
- Relekvieskrina er vi veldig stolte over. Dei er funne for over hundre år sidan. Her på huset har vi to av dei tre gæliske skrina som finst i heile Norden, fortel Grav.
Irske relikvieskrin tatt med til Noreg av vikingar.Hasselblad H4D
Gjenstandane frå vikingtida er alle funne i Midt-Noreg, men har opphav frå mange ulike stader i verda. Utstillinga byr på sverd, sølv og orientalske perler, samt at ny forsking vert presentert. Grav fortel at ikkje alle gjenstandane er plyndregods.
- Vikingane dro også på oppdagelsesferder og handelsreiser, skapte forbindelsar og slo seg ned, seier ho.
Viktig å få med gutar på museum
Viking-utstillinga skal trekke til seg nye og gamle målgrupper.
- Me har erfart at
viking-tematikk i hovudsak tiltrekk seg turistar, og me vil vere
med å kjempe om tida til turistane som er her på dagstur. Så veit vi også
at vikingtemaet treff mange menn – og spesielt unge menn er ei gruppe som har
ein tendens til å underbruke museum.
Allereie på opningsdagen hadde utstillinga trukke til seg mange besøkande.Foto: Kamilla Østerberg
Vitenskapsmuseet er ansvarlege for kulturminneforvaltninga i Midt-Noreg. Dette inneber arkeologiske undersøkingar, konservering og bevaring av gjenstandar.
- Det vanskelegaste har kanskje vore å velge ut kva vi ønska å stille ut. Me har enorme mengdar ting i magasina våre, så det har vore nokre harde rundar med «kill your darlings», fortsett ho.
Med unntak av hjelp med grafikk, har Vitenskapsmuseet sjølv stått for heile prosjektet.
- Eg er veldig stolt over at vi klarar å få det til sjølv. Vi lev på internressursar og kloke hovud, fortel Grav.
